Не знам вие што правите по скопјено и во тоа демек цивилизацијата, ама нас не’ немаше дека бевме на продилно. Крај на Јануари и почеток на Февруари сите наши козички решија да се пораѓаат 
Па редно е да поделиме радост. Ни се родија вкупно 6 козлиња, 4 девојчиња и 2 згодни момчиња
Ден, по календар 25.01.2011. Надвор температура -8.
Прва се породи Бисерка. Прво па машко
Повелете, Ви го претставуваме господин Безименко. Не смеам да им давам имиња на машките, дека не смееме да ги чуваме, па само им се радувам на безименоста
Мали срце ми топиш еееј :*
Бисерка не запре на едно козле. Во тоа мало телце, во едно мало меше скрила две џуџулиња.
Принцеза Божана
Добро утро Божанче и добре ни дојде во животецов
Малку ѝ беше ладничко па ѝ ставивме шишиња со топла вода да ја стоплат, а богами и ја покривме.
Клиника Шварцвалд, др. Удо Брикман
После се предомисливме и ја прибравме домче, покрај ќумбе, да поспие малку и да се исуши, а после гајле си немаше и на -8
На 01.02.2011 и Галена реши дека е време да ни подари деца.
Прво се роди ова црно како чоколаден ќумур, големо како да има два месеци полни.
Неколку дена беше без име. Ја викавме Малата на Галена. Сакавме да има име што ќе ѝ личи, што ќе означува АЛФА ЖЕНКА како мајка ѝ, да биде прилепско, дека е црна како прилечанче и да има кралско име.
Така еден мил пријател предложи да се вика ЕВРОСИМА, мајката што ќе го роди Крали Марко, ама тоа нас не’ асоцираше на сестрата на Крали Марко – КОСАРА
Па, посакајте ѝ добредојде на големата и храбра Косара
Косара има и сестричка близначка. Колку што е Косара црна, толку е сестра ѝ сребрена. Ја нарековме Сибирка, дека е сребрена како сибирски снег, а рунтава е како овчичка
Дата 05.02. 2011, Алексанра разгалената принцеза на свет донесе мало машко бамби:)
И на крај за да ја затвориме породилната сезона, ја чекавме мИлена. Таа ни ја роди Душица
Сите имиња се смислени и дадени со љубов. Некому можеби смешно ќе му личи, ама овие џубирни прекрасија, само такви имиња заслужуваат
Список на сите козички. Сега на број се 13
Галена
мИлена
Столе
Алексанра
Бојан
Бисерка
Босилка
Божана
Малиот на Бисерка
Косара
Сибирка
Малиот на Алесандра и
Душица
Чисто колку да се пофалиме, кога веќе ни тргна, копиљациве ги поздрави владта на РМ и ги частеше со исплата на субвенции.
Со тие пари планираме да им купиме седишта за на трактор (ако чико произведува такви за козички и трактори)
LUDO
ТУЃИ БЛИЦЧИЊА